كديم بابي كزوالي لشولا
قايموا من شنثي قلولا
تد لهاوخوا لناشا سنيقي
دلبيشخوا كبيني وإيقي
كد ليلي، طئنوالي بابي لشويثي
مكاسيوالي مقلاثي لستبيثي
ناشقالي لريشي ومحكيوالي حكوثا
وأمرخوا بخذاذي خذا صلوثا
إثوا شني ددمي وأوقانا
إثوا زونا أخلوخوا خذا عدانا
بس بابي لبركلي وبشلي ببلاخا
بلخلي حزيقا، هر دلنياخا
يمي عنا كبيرا وحملا إمي
خذا إينا إلن وخذا إينااليي
بابي ويمي رويلا وهمانا رويلي
فتلا شني كبيرا ولمريكا ثيلي
بلخلن حزيقا كو يوما وليلي
عشلن بخذاذي حسن لثيلي
بس يمي لاصح نبلا
وصحتا قلولا زلا
إيذيلي ديوما ثيلي
وأي هم لبا إذيلي
كد مثلا، بابي بخيلي
وميري: يا ألاها قي آيي
وشوقلوخ أنا بخايي
بش لطابق دلئيل لكاسق
ومطرد قبتا كراحق
ولبي قلولا كدايق
ونفاسي كديوم كآيق
خيوما بابي ميري
كد سولي وبعمرا ويري
بروني رويلوخ وبشلوخ كورا
لبش إيوت أو برونا زورا
سي بلوط وعوش خايوخ
لبايش كيبي بالوخ
بس كلزما دوذت خكما منداني
وكلزما دخازت كلا دوكاني
إيني مليلا دموئي كد بلطلي
كميولي بركاثي وبشطلي
ماقد دكنشقن يالي
تنياثد بابي كاثا لبالي
كامروا: يالوخ كعيشي بكاووخ
من كلّي لبي كبالوخ
شوقلا دراوا، دخد وذلا بابخ وساوخ
هر بداثي يوما بزالا وفيري مباروخ
شموؤ كلوخون تنياثي
كديم كنشقن يالي وكمرن صلواثي
تتخريلي منوني ومناثي
خيوما من يوماثي
مرشد كرمو
